Зуны амралт дуусаж хичээлийн шинэ жил эхлэхэд ердөө нэг сарын хугацаа үлджээ. Шинээр сургуулийн босго алхаж, шинэ бүхнийг сурахаар хүүхдүүд догдлон бэлдэж байгаа. Анги дэвшиж мэдлэгээ тэлэх гэсэн хүүхдүүд ч ангийнхантайгаа зуны гурван сарын дурсамжаасаа хуваалцаж, шинэ мэдлэг сурахаар хүлээж байна. Балчирхан үрс цэцэрлэгийн найзууд, хайртай багш руугаа яарч байна.

                Энэ жил улс даяар цэцэрлэгийн цахим бүртгэл наймдугаар сарын 1-нээс эхлэх юм. Бүртгэлийг өнгөрсөн жилүүдтэй ижил И-монголиа системээр хийх бөгөөд нийт 38 мянга гаруй хүүхэд цэцэрлэгт бүртгүүлэх урьдчилсан тооцоололтой байгаа аж. Харин ерөнхий боловсролын нэгдүгээрт ангид 78-82 мянган хүүхэд бүртгүүлэх бөгөөд нэгдүгээр ангийн бүртгэл эхлэх тов гараагүй байгаа талаар БШУЯ-ны Хэвлэл мэдээллийн төвөөс мэдээлжээ.

ХУВИЙН ЕРӨНХИЙ БОЛОВСРОЛЫН СУРГУУЛИЙН ТӨЛБӨР 7-89 сая төгрөг байна

                Хүүхдүүд харьяаллын дагуу дүүрэг, сумандаа улсын ерөнхий боловсролын сургуульд элсэн орж, суралцах эрхтэй. Гэхдээ илүү сургалтын хөтөлбөртэй, нэмэлт хичээлтэй сургуульд хүүхдүүдээ сургах гэсэн эцэг эхчүүд хувийн сургуульд хүүхдүүдээ сургахыг эрмэлздэг. Хувийн сургуулийн төлбөр таван саяас эхлэх бөгөөд суралцаж буй анги, сургалт, нэмэлт хөтөлбөрөөсөө хамаараад төлбөр 80 сая төгрөг хүртэл өснө. Ингээд зарим хувийн сургуулийн сургалтын төлбөр, давуу талыг танилцуулж байна.

“Шинэ-Үе” ерөнхий боловсролын сургууль

Бага- 8,000,000 төгрөг

Дунд-8,500,000 төгрөг

Ахлах- 9,000,000 төгрөгийн төлбөртэй. Тус сургууль нэгдүгээр ангиас нь эхлээд англи хэл заах бөгөөд бүх хичээлээ цөм хөтөлбөрийн дагуу явуулдаг. Мөн гуравдугаар ангиас эхлэн ерөнхий шинжлэх ухааны хичээлийг гадаад багш англи хэл дээр заах бол дөрөвдүгээр ангиас нь эхэлж  мэдээлэл технологийн хичээл ордог.

“Шинэ-Үе” сургууль тухайн хичээлийн жилд нэг өрхийн хоёр хүүхэд сурсан тохиолдолд бага хүүхдийн сургалтын төлбөрийг 10 хувь, гурван хүүхэд сурсан тохиолдолд гуравдах хүүхдийн төлбөрийг 15 хувь, дөрөв ба түүнээс дээш хүүхэд сурсан тохиолдолд бага хүүхдийн төлбөрийг 20 хувь тус тус хөнгөлнө.  Мөн олимпиад, урлаг, спорт, оюуны спортоор олон улс болон улсын хэмжээнд онцгой амжилт гаргасан тохиолдолд Сургуулийн Удирдах Зөвлөлийн шийдвэрийн дагуу уг гаргасан амжилтаас нь шалтгаалж тухайн хичээлийн жилд хөнгөлөлт үзүүлнэ.

Jet International School

1-5 анги-13 сая төгрөг

6-8 анги-15 сая төгрөг

9-10 анги-17 сая төгрөг

11-12 анги-19 сая төгрөг бөгөөд мөн хичээлд ашиглах сурах бичгийн төлбөр нэмж авна. Нэг бүлээс хэдэн хүүхэд сурч байгаагаас шалтгаалж төлбөрөөс нь 5-10 хувь хөнгөлнө. Мөн дүүрэг, улс, олон улсын олимпиадад гаргасан амжилтаас нь хамаарч 5-25 хувийн хөнгөлөлт олгоно.

Green School Mongolia

Жилийн сургалтын төлбөр анги харгалзахгүйгээр 15 сая төгрөг. Нэмэлтээр 9.8 сая төгрөг төлж

• Дотуур байр

• Дүрэмт хувцас

• Өдрийн таван хоол

• Секц дугуйлан

• Автобус унаа

• Зөв төлөвшил хүмүүжлийн цогц хөтөлбөр зэрэгт хамрагдана.

Тус сургууль нь гачууртад байрлах бөгөөд дотуур байртай сургууль юм. Дэлхийн Топ 1400 их дээд сургууль, олон улсын байгууллагад  шалгалтгүйгээр элсэх боломжийг бий болгодог.

ШИНЭ МОНГОЛ ХАРУМАФҮЖИ

Сургалтын төлбөр нь суралцах ангиасаа хамаараад 7-7.1 сая төгрөгийн хооронд хэлбэлзэнэ.

Tomujin Alternative School       

Жилийн сургалтын төлбөр анги хамаарахгүйгээр 29 сая төгрөг гэнэ.

Сурагчдын сурлагын чанар, гэр бүлийн байдлаас хамаарч сургалтын төлбөрийг 100 хувь хүртэл хөнгөлнө.

Nest Education IT School

 Тус сургуулийн сургалтын төлбөр 10 сая төгрөг бөгөөд   гадаад багштай англи хэлний хичээл, IQ , EQ хөгжүүлэх хичээл, тоглоомын аргаар заах мэдээлэл технологийн хичээл, дэлхийн шилдэг компаниудад дадлага хийх боломж олгодог.

                Хувийн сургуулиуд ихэвчлэн хос хэлтэй төгсгөх хичээлийн хөтөлбөрийг хэрэгжүүлдгээрээ онцлог билээ. Мөн тухтай орчин, нэмэлт хичээлийн хөтөлбөр, хичээлийн дараах сургалтуудад чөлөөтэй суралцах боломжийг олгодог.

ХУВИЙН ЦЭЦЭРЛЭГИЙН ЖИЛИЙН ТӨЛБӨР ДУНДЖААР 2-8  САЯ ТӨГРӨГ БАЙНА

              Улсын хэмжээнд өнөөдрийн байдлаар 1400 гаруй цэцэрлэг үйл ажиллагаа явуулж байна. Үүний 500 орчим хувь нь хувийн цэцэрлэг байдаг. Хувийн цэцэрлэгүүдэд харьяалал хамаарахгүйгээс гадна бэлтгэл ангидаа уншиж, бичих, тоо бодох зэрэг анхан шатны мэдлэгийг олгодог. Мөн улсын цэцэрлэгийн насанд хүрээгүй хүүхдүүд элсэн сурах боломж олгодог. Хувийн цэцэрлэгийн сарын төлбөр дунджаар 100-900 мянган төгрөг гэдэг.

“Бяцхан Монгол” цэцэрлэг

Тус цэцэрлэгийн сарын төлбөр 600 мянган төгрөгөөр бөгөөд төлбөрөө жилээр нь буюу есөн сараар нь авдаг.

“Элит” цэцэрлэг

1-2 нас- 892 мянган төгрөг

3-5 нас- 782 мянган төгрөгийн нэг сарын төлбөртэй. Улирал болон жилээр нь сургалтын төлбөр төлснөөр 10-20 хувийн хөнгөлөлт эдлэх боломжтой.

Тус цэцэрлэг нь өөрийгөө хөгжүүлэх сургалт болон IQ, бие бялдар хөгжүүлэх сургалттай.

“Хэрэмхэн” цэцэрлэг

Тус цэцэрлэгт 1,8-5насны хүүхдүүд хамрагдах боломжтой бөгөөд сарын 250 мянган төгрөгийн төлбөртэй.

“Монголдой” цэцэрлэг

Монголын оюун ухааны академийн хөтөлбөрийг хэрэгжүүлэгч тус цэцэрлэг нь 2-5 насны хүүхэд суралцах боломжтой бөгөөд сарын 350-390 мянган төгрөг гэнэ.