Анхны цас бударч, орчин тойрныг цагаан өнгөөр будахад хүн бүрийн дурсамжид ногоон гацуур, өнгө өнгийн тоглоом, цагаан сахал, улаан хувцастай өвлийн өвгөн, улаан хамартай цаа буга гээд сэтгэл гижигдэж, догдлол мэдрүүлсэн шинэ жилийн баяр санаанд ордог. Жилийн хугацаанд хийсэн бүхэндээ дүн тавьж, шинэхэн зорилготойгоор шинэ оноо угтдаг тус баярыг монголчууд өргөн хүрээнд, ач холбогдол өгөн тэмдэглэдэг. Тэгвэл удахгүй тохих шинэ жилийн баяртай холбогдуулан бараа бүтээгдэхүүний үнэ ханшийг сурвалжиллаа.

-Шинэ гацуур 120-8.5 сая төгрөгөөр худалдаагдаж, иргэдийн хуучин гацуур авах сонирхол нэмэгджээ-

      Шинэ жилийн баярын уур амьсгал орсон эдгээр өдрүүдэд худалдааны төвүүдэд гацуур мод, тоглоом, хувцасны худалдаа өргөнөөр дэлгэгджээ. Баярын гол дүр бол яах аргагүй гацуур билээ. Энэ жилийн хувьд гацуур өндөр, загвараасаа хамаараад 120-8.5 сая төгрөгийн үнэтэй худалдаалагдаж байна. Энгийн жижиг буюу нэг метртэй гацуур 120 мянга гэх бол 10 метрийн өндөртэй гацуур 8.5 сая төгрөг худалдаагдаж байгаа гэнэ. Иргэдийн хамгийн их худалдан авдаг гацуур нь 1.5-2.1 метрийн өндөртэй гацуурууд бөгөөд 150-650 мянган төгрөгийн үнэтэй. Өөрөөсөө гэрэлтэй, цагаан, цэнхэр, ягаан гацуурууд, илүү тод ногоон өнгөтэй, олон мөчиртэй гэсэн шалтгаан, ялгаагаар тус бүр өөр өнгөтэй. Иргэдийн ихэвчлэн авдаг 2.4 метр өндөртэй гацуур бүрэн тоглоом чимэглэлтэйгээр 800 орчин мянган төгрөг болдог гэнэ. Энэ жил хуучин хэрэглэж байсан эвдрэл багатай гацуур авах иргэдийн тоо нэмэгдсэн бөгөөд цахим сүлжээнд хуучин гацуур худалдаж авах талаарх зарлал хөрвөнө. Хуучин гацуураа зарж буй иргэд ихэвчлэн анх  авсан үнээсээ 20-60 мянган төгрөгөөр хямдруулан зардаг аж.

Гацуурын тоглоом загвараасаа хамаараад 20-120 мянган төгрөгийн үнэтэй

      Гацуурт хамгийн гэрэл нэмж, сэтгэл хөдлөгдөг эд бол өнгө өнгийн гэрэл, төрөл бүрийн хэлбэр дүрстэй тоглоом, гялтганаж хараа булаасан саа билээ. Жилээс жилд өнгө загвараа нэмж буй гацуурын чимэглэл тоо ширхгээсээ хамаараад тус бүр өөр үнэтэй. Бөөрөнхий тоглоом хайрцагтаа 16-100 ширхэгтэйгээр 20-120 мянган төгрөгөөр  худалдаалагдана.  Харин гацуурын доор тавигдах цаа буга,цөмөөхэй, өвлийн өвгөн, янзага, чихмэлүүд 10-60 мянган төгрөгийн дундаж үнэтэй. Гэрэлийн хувд уртаасаа хамаарах бөгөөд 15-80 мянган төгрөгөөр худалдаалагдана. Гэрэлийн өнгө, хэлбэр дүрсээсээ шалтгаалаад үнэ нь харилцан адилгүй. Энэ жилийн хувьд дараа нь хөшигний гэрэл болгон ашиглах боломжтой 10 метрийн урт гэрэл илүү зарагдаж байгаа гэнэ.

-Гоёлын даашинзны үнэ 75 мянга төгрөгөөс хэлж байна-

       Охид бүсгүйчүүд шинэ жилд онцгой ач холбогдол өгч оролцдог. Тийм дээ ч  гоо сайхан, гоёл чимэглэл, даашинз, гутал авах гэсэн бүсгүйчүүд худалдааны төвөөр дүүрнэ. Тэдний гол ач холбогдол өгдөг даашинз энэ жил 75-450 мянган төгрөгийн үнэтэй. Аль улсаас оруулж ирсэн, ямар материал хийгдсэнээсээ шалтгаалаад үнэ нь тодорхойлогдоно. Саа гялтганаж, шал шүргэсэн  урттай даашинзны үнэ ихэвчлэн 150 мянган төгрөгөөс эхлэх аж. Харин даашинз түрээсийн үйлчилгээ 30-100 мянган төгрөгийн үнэтэй. Загвар нь хуучирч 2-3 жил болсон даашинзнуудаа 30-50 мянган төгрөгөөр түрээсэлж байлаа.Сүүлийн жилүүдэд хослон өмсдөг шинэ жилийн загвартай хос цамц 25-40 мянган төгрөгийн үнэтэй байна.

Ресторануудын шинэ жилийн захиалга дүүрч эхэлжээ

      Шинэ жилийн баяраа тэмдэглэх гэж байгаа албан байгуулга, анги хамт олон, найзууд 80-330 мянган төгрөгийн нэг хүний багцтай ресторанаас сонголт хийх боломжтой. Багцад салат, хоёр хоол, амттан, уух зүйлс багтана. Зарим рестораны хувьд 40-90 мянган төгрөгийн үнэ бүхий уух юмны багцаар тусалд нь үйлчлэн.Ингэж багц авсан тохиолдолд тухайн заалны 4-5 цаг ашигладаг бөгөөд цаг сунгахыг хүсвэл 100-200 мянган төгрөг нэмж төлнө. Ингэж багцаар үйлчлүүлснээ зааланд байх 4-5 цагийн эрхтэй болдог.  Ихэвчлэн 60-250 хүний хүлээн авалтын хүчин чадалтай рестронуудын шинэ жилийн захиалга дүүрчээ. Ресторны зүгээс тайз, хөгжимчин, дэлгэц, хувцас солих өрөөг санал болгоно. Анги хамт олон ихэвчлэн зуслангийн байшин түрээслэдэг. Тэгвэл энэ жил мөн байшгийн захиалга ачаалал ихтэй бөгөөд тухтай, дулаахан харагдсан байшин захиалга аа хэдийн авч дуусжээ. Тэдний хувьд 500-2.5 сая төгрөгөөр хоногоор нь түрээслүүлнэ.

Хит дуучдыг 10-30 сая төгрөгөөр хөлсөлнө

      Албан байгууллагууд хувьд шинэ жилийн хөтөлбөр дээрээ тухайн  жилдээ хит болсон уран бүтээлчдийг урьж, ажилчдаа баярлуулахыг хүсдэг. Хөтлөгч, өвлийн өвгөн, цасан охид,хамтлаг бүжиг, дуучинтай багцыг 2.6-4.5 сая төгрөгөөр авах боломжтой. Харин энэ жилийн хит дууг дуулсан олны танилц дуучдыг дуулуулахыг хүсвэл бацгаар нь 10-30 сая төгрөгийн үнэтэй байна.