Улаанбаатар хотод шийдэх олон асуудал байдаг. Түүний нэг нь гэр хороололд амьдардаг айл өрхийн хаягжилт юм. Нэгэн жишээ дурдвал иргэн Б Баянзүрх дүүргийн    22 дугаар хороонд ам бүл дөрвүүлээ амьдардаг. Тэднийх 1.5 сартай, таван настай хоёр хүүхэдтэй. Саяхан тэдний хүүхэд шөнөөр яасан нь мэдэгдэхгүй уйлагнаж, халуурч эмнэлгийн яаралтай түргэн тусламж дуудсан боловч тодорхой хаяггүй гэдэг шалтгаанаар ирээгүй гэнэ. Тиймээс өөрсдөө машин хөлсөлж эмнэлгийн үйлчилгээ авсан байна. Ийнхүү эмнэлгийн тусламж үйлчилгээ болон бусад төрлийн үйлчилгээ авах шаардлагатай айл өрх олон байдаг.