Цар тахал гарсантай холбогдуулан манай улсад хоёр жил дараалан сургууль, цэцэрлэг цахимаар хичээллэсэн. Харин энэ жил есдүгээр сарын 1-нд хичээлийн шинэ жилийг эхлүүлэхээр төлөвлөж буйгаа  БСШУЯ-ны сайд Л.Энх-Амгалан онцолсон. Наймдугаар сар эцэг, эхчүүдийн хувьд хүүхдүүдийнхээ хичээлийн хэрэгслийг базаах хүндхэн сар байдаг билээ. Харин худалдаачдын хувьд бараа бүтээгдэхүүнээ борлуулах, сул зогссон алдагдлаа нөхөх оргил цаг үе байдаг. Иймээс Эргэлт.мн тун удахгүй хичээлийн шинэ жил эхлэх гэж байгаатай холбогдуулан хамгийн хөл хөдөлгөөн ихтэй зах болох Бөмбөгөр, Нарантуул худалдааны төвийн  хичээлийн хэрэглэлийн үнэ ханшийн талаар сурвалжиллаа.

ИРГЭДИЙН ХУДАЛДАН АВАХ ЧАДВАР БУУСРНААС БОЛ "БӨМБӨГӨР" ХУДАЛДААНЫ ТӨВ "ЭЗГҮЙРЧЭЭ" 

Бид хамгийн түрүүнд “Бөмбөгөр” худалдааны төвийг зорилоо. Хичээлийн шинэ жил эхлэхэд 20 гаруйхан хоног үлдсэн хэдий ч хөл хөдөлгөөн бага байлаа.

         “Бөмбөгөр” худалдааны төвд худалдаа эрхлэгч Ц.Дэлгэр “Зах зээл дээр хичээлийн хэрэгслийн үнэ өмнө жилийнхтэй харьцуулбал нэг дахин өссөн. Учир нь цар тахал гарснаас хойш Эрээнээс ачаа тээвэрлэх үнэ нэмэгдсэн. Өнгөрсөн жил 60 юанаар ачдаг байсан ачааг энэ жил 120-160 юанаар ачдаг болсон. Үүнээс гадна коронавирусийн үед иргэдийн худалдан авах чадвар огцом буурсан. Худалдан авалт огцом багассан болохоор наймаа эрхэлж буй бидэнд хүндрэл үүсэж байна. Бид аль болох бараа бүтээгдэхүүний үнээ нэмэхгүйг хичээж байгаа. Гэвч тээврийн зардал нэмэгдсэн учир үнээ нэмэхээс өөр аргагүй байдалд ороод байна. Энэ төрлийн бизнес эрхлэгч наймаачдын хувьд хамгийн ашигтай, хүн ихтэй үе нь өдийд байдаг. Өмнө жилийн борлуулалтыг 100 хувь гэж үзвэл энэ жил 30 хувьтай байна. Өдөрт ердөө хоёроос гурван хүн л хичээлийн хэрэгсэл бэлдэж байна” гэлээ.

"Бөмбөгөр" худалдааны төвд хичээлийн хэрэгсэл худалддаг хэд хэдэн лангуу байдаг. Лангуу бүрийн үнийг тооцож дундажласан хичээлийн хэрэгслийн үнэтэй танилцана уу.  

1. 12 хуудастай -250
2. 24 хуудастай -500
3. 36 хуудастай -650
4. 48 хуудастай -850
5. 60 хуудастай -1000
6. 96 хуудастай -1850
7. Үзгэн бал 200-6000
8. Запас 120-750
9. Харандаа 200-5000
10. Өнгийн цаас 800-4500
11. Фломастер-1000-50000
12. Цавуу 600-2000
13. Гуаш 2000-25000
14. Усан будаг 1500-20000
15. Штринк 1000-3000
16. Үзэгний сав-2000-20000
17. Хайч 800-5000
18. Тодруулагч 800-3000
19. Балруул 200-1800
20. Өнгийн харандаа 1500-20000

Дүрэмт хувцас

1. Бага ангийн дүрэмт хувцас эрэгтэй -113000
2. Бага ангийн дүрэмт хувцас эмэгтэй-88000
3. Дунд ангийн дүрэмт хувцас эрэгтэй-138000
4. Дунд ангийн дүрэмт хувцас эмэгтэй-129000
5. Ахлах ангийн дүрэмт хувцас эрэгтэй-175000
6. Ахлах ангийн дүрэмт хувцас эмэгтэй-159000

“Торгон хийц”, “Бүтээлч Үйлс” ХК-н дүрэмт хувцас өнгөрсөн жилийнхтэй харьцуулбал 18-26 мянган төгрөгөөр нэмэгдсэн байна.

"НАРАНТУУЛ" ХУДАЛДААНЫ ТӨВӨӨР ҮЙЛЧЛҮҮЛЭГЧ: ХЯМДХАНЫГ НЬ БОДООД ХЭДЭН ПОЛЬШ ДЭВТЭР АВЛАА

         Хичээлийн шинэ жил эхлэх гэж байгаатай холбогдуулан хот, хөдөөгөөс "Нарантуул" худалдааны төвийг зорих иргэдийн тоо ихэсчээ. Лангуу болгон дээр хүүхдүүдээ дагуулсан эцэг эхчүүд харагдана. Энэ үеэр хичээлийн хэрэгслээ цуглуулж яваа худалдан авагчтай ярилцлаа. Төв аймгийн Эрдэнэ сумын иргэн Б.Бямбагэрэл “Хичээлийн хэрэгслийн үнэ өнгөрөн жилийг бодвол нэмэгдсэн байна. Дэвтэр гэхэд л  100-200 төгрөгөөр нэмэгдсэн байна. Польш дэвтэр монгол дэвтрийг бодвол 50 төгрөгөөр хямд үнэтэй байна. Хямдыг нь бодоод хэдэн польш дэвтэр худалдаж авлаа. Ойр зуурын хичээлийн хэрэгсэл бэлдэхэд л 50 орчим мянган төгрөг боллоо. Өөрийнхөө бололцоогоор хүүхдүүдийнхээ хичээлийн хэрэгслийг бага багаар  цуглуулж байна” гэв.  Худалдагч нар бараа бүтээгдэхүүн худалдаж авах иргэдийн тоо өмнө жилтэй харьцуулахад 50 хувь буурсан тухай хэлж байлаа.

1. 12 хуудастай-200
2. 24 хуудастай-450
3. 32 хуудастай-550
4. 48 хуудастай-750
5. 60 хуудастай-950
6. 96 хуудастай-1450
7. Үзгэн бал 300-1500
8. Тосон бал 300-1500
9. Өнгийн харандаа 1000-12000
10. Зургийн дэвтэр 800-4500
11. Тодруулагч 800-2500
12. Өнгийн цаас 800-3000
13. Балруул 200-1500
14. Үзэгний запас 150-800
15. Үзэгний сав 3000-20000

Ийнхүү цааш дүрэмт хувцасны үнийн талаар сонирхлоо.

         Нарантуул худалдааны төвд гол төлөв хятад дүрэмт хувцас худалдаалагдах аж. Үнийн хувьд Хятад дүрэмт хувцас монгол дүрэмт хувцасыг бодвол 20-60 мянган төгрөгөөр хямд, материалын хувьд бөөгнөрөхгүй сайн материалтай гэж худалдагч ам бардам хэлж байлаа. Мөн энэ жил гар хийцийн монгол дүрэмт хувцаснууд зарагдаж байгаа бөгөөд үнийн хувьд Хятад дүрэмт хувцастай ижил аж.

ТА НЭГ ХҮҮХДИЙН ХИЧЭЭЛИЙН ХЭРЭГСЛИЙГ ДАРААХ ҮНЭЭР ХУДАЛДАН АВАХ БОЛОМЖТОЙ 

Бага болон ахлах ангийн хүүхдийн хичээлийн хэрэгслийг иж бүрэн бэлтгэхэд хэдэн төгрөг болох талаар тооцоо хийж үзье

БАГА АНГИЙН СУРАГЧ

Бага ангийн хүүхдийн хичээлийн хэрэгсэл болох  дөрвөн боодол 12 хуудастай дэвтэр 9600 төгрөг , баллуур 300 төгрөг, үзэг 300 төгрөг, харандаа 200, өнгийн цаас 800 төгрөг, усан будаг 1500 төгрөг, өнгийн харандаа 1000 төгрөг, тодруулагч 800 төгрөг, зургийн дэвтэр 800 төгрөг, үзэгний сав 3000 төгрөг, цүнх 25000 төгрөг, дүрэмт хувцас 117000 төгрөгөөр буюу зах зээл дэх хамгийн хямд үнээр тооцвол нийтдээ 160300 төгрөг болж байна. 

АХЛАХ АНГИЙН СУРАГЧ

Харин ахлах ангийн хүүхдийн хичээлийн хэрэгсэл болох 60 хуудастай хоёр боодол дэвтэр 22800 төгрөг , үзэгний сав 3000 төгрөг, үзгэн бал 300 төгрөг, харандаа 200 төгрөг , баллуур 200 төгрөг тодруулагч 800 төгрөг, цүнх 25000 төгрөг, дүрэмт хувцас 175 мянган төгрөгөөр худалдан авахад нийтдээ 227300 төгрөг болох тооцоотой байна.

м.хонгорзул