Өнөөдөр "Олон улсын эх дэлхийн өдөр". Энэ жилийн хувьд тус өдрийг "Эх дэлхийгээ сэргээе" уриан дор тэмдэглэж байна. НҮБ-ын ерөнхий ассамблейгаас “Олон улсын Эх дэлхийн өдөр”-ийг дөрөвдүгээр сарын 22-нд тэмдэглэн өнгөрүүлэх тогтоолыг 2009 онд албан ёсоор гаргажээ. АНУ-ын сенатор Гэйлорд Нелсоны санаачилгаар, 1970 оны дөрөвдүгээр сарын 22-нд 20 сая хүн нэгдэн оролцсон Эх дэлхийн анхны өдрөөс хойш өдгөө дэлхийн 193 орон, нэг тэрбум гаруй хүн эх дэлхийгээ, байгаль орчноо хамгаалахын төлөө нэгдэн тэмдэглэж байна.