Улаанбаатар хотын Захирагчийн ажлын албанаас “Хөшөө дурсгалт зүйлсийг сэргээн засварлах, арчлалт хамгаалалт орчны тохижилтын ажил”-ын хүрээнд Хан-Уул дүүргийн 15 дугаар хорооны нутаг дэвсгэрт байх Махатма Ганди хөшөө, Баянгол дүүргийн 19 дүгээр хороо Чингүнжавын хөшөө, Чингэлтэй дүүргийн дөрөвдүгээр хороо Хэлмэгдэгсдийн хөшөөнүүдийн суурь болон орчны тохижилтыг сэргээн засварлаж байна.

Махатма Гандигийн хөшөөний орчимд 60м.кв явган зам, 14.2 м.кв суурийн чулуун хавтанг бүрэн шинэчилж, хөшөөний суурь болон явган замын доод тал бүхэлдээ усанд автан, ялзмагтаж, намгархаг хөрстэй болсон тул хөрсийг бүхэлд нь хуулж, хатаан нягтаршуулж, хөшөөний өндөршилт, түвшинг тааруулж, даацийн суурь хийж байгаа аж. Мөн хөшөөний суурийг зураг төсөвт хавтан солих байсан ч, гүйцэтгэгч байгууллагын зүгээс бүрэн шинэчилж боржин чулуун суурь хийжээ.

Улаанбаатар хотын Захирагчийн ажлын албанаас сүүлийн жилүүдэд Сүхбаатарын хөшөө орчим, Удирдлагын академийн урд байрлах Эрдэмд шамдагтун хөшөөнүүдийг тохижуулж сэргээн засварлаж бусад жижиг баримлуудын бүрэн бүтэн байдлыг тогтмол анхаарч нөхөн сэргээх, засварлаж байна.