Халдварын тархалт нэмэгдэж буйтай холбоотой хөл хориог чангаруулж байгаа талаар албаныхан мэдээллээ.

Энэ талаар ТЦА-ны Урьдчилан сэргийлэх хэлтсийн ахлах мэргэжилтэн, цагдаагийн ахмад Г.Отгонтамир “Хөл хориог чангаруулж 06:00-08:00, 16:00-18:00 цагаас бусад цагуудад явган хүний хөдөлгөөнийг бүрэн хязгаарлаж байна. Энгийн иргэд тухайн цагуудад гэрийнхээ ойролцоо салхилж болно. Ингэхдээ таваас олон хүн цугларахгүй. Бусад цагт явган хүний хөдөлгөөнийг бүрэн хязгаарлаж байна. Төрийн албан хаагчид өглөөний 08:30 минут гэхэд ажилдаа очсон байна. Мөн зөвшөөрөгдсөн 15 салбарын ажилчдыг ажлын үнэмлэх, ажлын тодорхойлолтыг нэг бүрчлэн шалгаж, хөдөлгөөнд нэвтрүүлнэ” гэлээ.