Монгол Улс болон Бүгд Найрамдах Франц Улс хооронд дипломат харилцаа тогтоосны 60 жилийн ойн хүрээнд, Монгол Улсын Иргэний нисэхийн ерөнхий газар, “Иргэний нисэхийн үндэсний төв” ТӨХХК болон Бүгд Найрамдах Франц Улсын төрийн хөрөнгө оруулалтын банк BPI France, Францын Үндэсний иргэний нисэхийн их сургууль (ENAC), мөн дэлхийн хэмжээний технологийн шийдэл нийлүүлэгч Thales Group зэрэг байгууллагууд хооронд хамтран ажиллах Санамж бичиг (MoU)-т 2025.07.08-нд албан ёсоор гарын үсэг зурлаа. “Иргэний нисэхийн үндэсний төв” ТӨХХК Бүгд Найрамдах Солонгос Улсын Газрын тосны чанар хангамжийн газар хооронд 2025 оны 05 дугаар сарын 24-ний өдөр “Техникийн хамтын ажиллагааны тухай” харилцан ойлголцлын санамж бичиг байгууллаа. Мөн энэ өдөр Тайландын хаант улсын Аэронотикал Радио Тайланд ХХК хооронд хамтын ажиллагааны санамж үзэглэлээ. Эдгээр санамж бичгүүдийг байгуулсанаар Монгол Улсын иргэний нисэхийн салбарт урт хугацаанд хамтран ажиллах, хамтын ажиллагааг стратегийн түвшинд шинэ шатанд гаргах зорилготой юм. "Иргэний нисэхийн үндэсний төв" ТӨХХК нь Олон улсын агаарын тээвэрлэгчдийн холбоо (IATA) болон Иргэний нисэхийн ерөнхий газартай хамтран “IATA Operational Safety Audit (IOSA), IATA Standard Safety Assessment (ISSA), IATA Safety Audit for Ground Operations (ISAGO)” хөтөлбөртэй холбоотой сургалт, Олон улсын агаарын тээвэрлэгчдийн холбоо (IATA), түүний гишүүн агаарын тээвэрлэгчдийн төлөөлөгчидтэй хийх техникийн хэлэлцүүлгийг 2025 оны 9 дүгээр сарын 14-ний өдрөөс 17-ны өдрүүдэд Улаанбаатар хотноо амжилттай зохион байгууллаа.