Засгийн газрын ээлжит хуралдаанаас гарсан шийдвэрийг танилцуулж байна. Энэ үеэр Гэр бүл, хөдөлмөр, нийгмийн хамгааллын сайд Т.Аубакир мэдээлэл өглөө.

Тэрбээр “Өнөөдрийн Засгийн газрын хуралдаанаар олон улсын хөгжлийн бэрхшээлтэй иргэдийн эрхийн хамгаалах өдөртэй уялдуулан, хөгжлийн бэрхшээлтэй иргэдийн эрхийн хамгаалах байгууллагуудын бүтцэд өөрчлөлт оруулах хоёр шийдвэр гарсан. Хөгжлийн бэрхшээлтэй хүний эрхийг хангах зөвлөлийн бүрэлдэхүүнийг өөрчлөх санал иргэд болон ТББ-аас ирсний хүрээнд эрхийн хангах зөвлөлийн бүрэлдэхүүнийг өөрчлөх шийдвэр гаргасан. Мөн Монгол Улсын Засгийн газраас тэмдэглэл гаргалаа энэ нь Хөгжлийн бэрхшээлтэй иргэдийн асуудлаар салбар дундын уялдааг хангаж, үйл ажиллагааг сайжруулах зорилгоор одоо ажиллаж байгаа хэрэгжүүлэгч агентлагийг тохируулагч агентлаг болгож өөрчлөх тухай байгаа. Хэрэгжүүлэгч агентлагаас илүү тохируулагч агентлаг байх нь зорилтот бүлэг рүүгээ илүү чиглэсэн үр дүнтэй ажил болно гэж үзэж байна. Монгол Улсад 108 мянга орчим хөгжлийн бэрхшээлтэй иргэн амьдардаг. Тус иргэд хөдөө орон нутагт байхдаа өөрт хүрсэн үйлчилгээгээ авч чадахгүй байгаа. Аймаг болгон дээр хөгжлийн бэрхшээлтэй иргэн хариуцсан 3-4 алба хаагч ажиллуулах нөхцөл бүрдүүлэхээр ажиллаж байна” гэв.