Голомт банк эмэгтэй бизнес эрхлэгчдийг дэмжих, эмэгтэйчүүдийн эдийн засгийн оролцоог нэмэгдүүлэх болон тогтвортой хөгжлийн зорилтуудыг хангах зорилгоор Global Gender Smart Fund байгууллагаас 7.5 сая ам.долларын санхүүжилт татлаа. Тус санхүүжилт нь Голомт банкны хувьд эмэгтэй бизнес эрхлэгчдийн шинэ санаачилга, инновацыг дэмжих, ажлын байр нэмэгдүүлэх, бизнесийн салбарт жендерийн тэгш байдлыг хангахад чухал алхам боллоо.

Бид тогтвортой хөгжлийн бодлогын хүрээнд эмэгтэй бизнес эрхлэгчдэд тулгардаг бизнесийн эрсдэлийг бууруулж, боломжийг нэмэгдүүлэхэд чиглэсэн олон төсөл, хөтөлбөрүүдийг амжилттай хэрэгжүүлж ирсэн. Үүний нэг жишээ болох “WOMEN OWNED” тохирлын тэмдгийг Голомт банк, МҮХАҮТ нар хамтран албан ёсоор 2023 онд танилцуулсан бөгөөд уг тэмдгийг шалгуур үзүүлэлт хангасан 50 гаруй ААН эзэмшиж байна.

Цаашид Голомт банк эмэгтэй бизнес эрхлэгчдийг дэмжих чиглэлээр өргөн хүрээнд, урт хугацааны тогтвортой бодлого хэрэгжүүлж, эдийн засгийн тэгш хөгжлийг хангахад хувь нэмрээ оруулахаар зорьж буй.

Та “Бизнес эрхлэгч эмэгтэйчүүдийн дэмжих зээлийн бүтээгдэхүүн” болон дээрх санхүүжилтийн хүрээнд боломжоо нэмэгдүүлэхийг хүсвэл Голомт банкны салбар, нэгжүүдэд хандан дэлгэрэнгүй мэдээлэл авахаас гадна “Women Owned” тохирлын тэмдгийн хүсэлтээ өгөх боломжтой.

Сайн сайхныг санхүүжүүлнэ