Засгийн газрын хуралдаанаас гаргасан шийдвэрийг танилцуулж байна. Энэ үеэр ЗГХЭГ-ын дарга Н.Учрал “14 мега төслийн нэг Монгол Улсын Засгийн газар Орона майнинг ХХК-тай байгуулах хөрөнгө оруулалтын гэрээний төслийн танилцуулга мөн стратегийн төрийн эзэмшлийн ордын 34 хувийг АМНАТ-аар орлуулах УИХ-ын тогтоолын төсөл, Үндэсний баялгийн сангийн хуульд нэмэлт өөрчлөлт оруулах хуулийн төслийг УИХ-д өргөн мэдүүлэхээр шийдвэрлэлээ. “Орона майнинг” ХХК-тай байгуулах хөрөнгө оруулалтын гэрээтэй холбогдуулан УИХ-ын онцгой бүрэн эрх, тусгай АМНАТ-аар төрийн эзэмшлийн 34 хувийг орлуулах хувь хэмжээг тогтоох тогтоолын төслийг өргөн барьж байна. Үндэсний баялгийн сангийн хууль өнгөрсөн дөрөвдүгээр сард батлагдсан. Төрийн эзэмшлийн хувь хэмжээг тусгай АМНАТ-аар орлуулсан байна. Бүтээгдэхүүн хуваахаар орлуулсан ч бай тухайн үр өгөөж нь иргэдийн хуримтлалын дансанд ордог, хадгаламж хэлбэрээр хадгалагддаг  байх. Иргэн бүрд 135 мянган төгрөгийн хуримтлалтай болж байгаа. Хадгаламжийн мөнгийг нэмэгдүүлэхийн тулд дээрх төслүүд амжилттай үргэлжлэх ёстой. 27 жилийн дараа дээрх төсөл УИХ-д орж ирж байгаа юм. Төсвийн орлогийг 4.4 тэрбум ам.доллар, улсын төсвийг 29 сая ам.доллар, ирээдүйн өв санд 36 сая ам.доллар, хуримтлалын санд 593 сая ам.доллар байхаар 51 хувийг өгөөж тохируулах нэмэлт төлбөр байна. Үндсэн хуулийг хангуулаагүй, тухайн жилийн орлого нь 51 хувьдаа хүрээгүй бол хөрөнгө оруулагч талаас 51 хувийг нэмэгдүүлэхтэй холбоотой тохируулга хийдэг. Энэ заалтыг хөрөнгө оруулалтын гэрээнд тусгаж өгснөөр жилд заавал 51 хувийг хангуулна” гэв.