Орхон аймгийн Баян-Өндөр суманд нам даралтын зуух дэлбэрсний улмаас нэг иргэн толгой гар нь түлэгджээ. Энэ талаарх дуудлагыг аймгийн онцгой байдлын газар  өчигдөр 23:08 цагт хүлээн авчээ. Тус аймгийн Онцгой байдлын газрын 81 дүгээр ангийн алба хаагчдыг очиход иргэн С-ийн 5х6 метрийн хэмжээтэй байшингийн гал тогооны хэсэгт нам даралтын зуух дэлбэрсний улмаас тааз хэсэгт нуралт үүссэн байсныг шалгаад буцсан. Мөн иргэн С, 52 настай эрэгтэйгийн толгой, гар түлэгдсэн байсан тул аймгийн Нэгдсэн эмнэлгийн Яаралтай тусламжийн тасагт хүлээлгэн өгсөн байна.

Эх сурвалж: ОБЕГ