УИХ-ын гишүүн Х.Баттулгаас сэтгүүлчид цаг үеийн асуудлаар тайлбар авлаа.

    -Та яагаад мега төслийг эсэргүүцэж байна вэ. Засгийн газрыг огцруулах бодлого баримтлаад байгаа юм уу?

         -Юу гэж би мега төслийг эсэргүүцэх юм. Харин ч энэ төслөөр бахархдаг.

 -ОХУ-ын өргөн царигтай төмөр зам тавих бодлогыг та батлуулсан. Гэтэл тэр бодлого буруу байсан нь өнөөдөр харагдаж байна шүү дээ?

          -Яагаад буруу гэж. Нарийн царигтай төмөр зам тавибал газар нутгаа бид 100 жилээр алдах байсан. Өнөөдөр бид эдийн засгийн бодлого ярихаасаа илүү тусгаар тогтнолоо ярих ёстой. Үүнийг Монгол Улсын Үндэсний аюулгүй байдлын зөвлөл, Ерөнхийлөгчийн удаа дараагийн айлчлалаар тохирдог, УИХ-аар баталдаг. Энэ нэг хүний асуудал биш. 

-Нарийн царигтай төмөр зам тавьсан бол бид нүүрсээ Хятад Улс руу экспортлох байсан?

        -Өнөөдөр бид газрын баялаг, газар нутгаа 100 жилээр алдах байсныг зогсоосон. Цаашид ч зогсооно. Ч.Хүрэлбаатар сайд байхдаа газрыг 100 жилээр оруулах гэж орж ирсэн. Үүний эсрэг тууштай зогсоно. Та нар тусгаар тогтнол, баялагаа бод.

-Ерөнхийлөгчийн хоригийн улмаас 2025 оны төсвийг хоёр ч удаа хэлэлцлээ. Таны хувьд чуулганы хуралдаанд хангалтгүй оролцож байгаа харагддаг?

         -УИХ 126 гишүүнтэй болсон. Анхны төсөв орж ирж байна. Гишүүд өөрсдөө төсвөө тойроод, яриад, ухамсарлаад явж байна.