БНТУ-ын Истанбул хотод энэ сарын 05-наас 08-ны хооронд зохион байгуулагдсан 33 дахь удаагийн Ой тогтоолтын ДАШТ-ээс oй тогтоолтын спортын Олон улсын их мастер Энхжаргалын Үүрийнцолмон 14 насандаа насанд хүрэгчдийн ангилалд тэргүүлснээр 33 жилийн түүхтэй тус тэмцээний хамгийн залуу дэлхийн аварга болжээ.

Тэрбээр 2022 оны бага насны Дэлхийн аварга, 2023 оны өсвөрийн Дэлхийн аварга, 2024 оны өсвөр болон насанд хүрэгчдийн Дэлхийн аварга, Оюуны олимпын хамгийн залуу аварга, Гиннесийн рекорд эзэмшигч билээ.