Ардчилсан хувьсгалын 35 жил, Ардчиллын төлөөх намууд нэгдсэний 24 жилийн ойд зориулсан Улс, аймаг, цэрэг, сумын цолтой хүчит 128 бөхийн барилдаан болж буй. Барилдааны нэгийн даваанд улсын арслан Б.Орхонбаярыг сумын заан Д.Төгс-Эрдэнэ өвдөг шороодуулсан юм.

Д.Төгс-Эрдэнэ 1995 оны есдүгээр сарын 14-нд төрсөн, биеийн өндөр 173 см. Орхон, Баян-Өндөр сумынх тэрбээр чөлөөт бөхөөр хичээллэдэг. Өсвөрийн болон хотын нэрэмжит чөлөөт бөхийн тэмцээнд оролцож алт, мөнгөн медаль хүртсэн, Залуучуудын улсын аварга шалгаруулах тэмцээнд түрүүлсэн нэгэн. Д.Төгс-Эрдэнэ  гурван жилийн өмнөөс үндэсний бөхөөр барилдаж эхэлжээ. Анх 2014 онд сумын заан цол хүртэж, улмаар 2017 онд цолоо баталсан байна.

Тэрбээр өмнө нь О.Хангай аваргыг хоёрын даваанд өвдөг шороодуулж байсан билээ