Монгол Улсын Засгийн газраас 2024 онд Нэг сая жуулчин хүлээн авах зорилт тавьж, олон улсын хамтын ажиллагааг эрчимжүүлэх, "Go Mongolia" нэгдсэн брэндиг дор эх орноо олон улсад сурталчилж байна. Энэ хүрээнд Бүгд Найрамдах Хятад Ард Улсын Шанхай хотноо 2024 оны 11 дүгээр сарын 22-24-ний өдрүүдэд зохион байгуулагдах “China International Travel Mart 2024” олон улсын аялал жуулчлалын үзэсгэлэнд Монгол улсаас аялал жуулчлалын 12 байгууллага, мэргэжлийн холбоод “GoMongolia” брэндийг сурталчлан, нэгдсэн өнгө төрхийг бүрдүүлэн оролцож байна.

Үзэсгэлэнд дэлхийн 47 улс, орны аялал жуулчлалын чиглэлээр үйл ажиллагаа явуулдаг байгууллагуудын 500 орчим төлөөлөл цугларч тус улсын тур оператор, компаниуд болон холбогдох газруудтай санал, мэдээлэл солилцож байна.

Мөн Цагаан лавай чуулгын уран бүтээлчид Монгол үндэсний язгуур урлагийн тоглолтыг толилуулан, соёл урлаг, өв уламжлалыг сурталчлан оролцлоо.