Өнөөдөр манай сайт Цэргийн төв эмнэлгийн бөөрний диализын аппаратад ороод нас барсан иргэн ДОХ-ын халдвартай байсан талаар мэдээлсэн. Тэгвэл тус хэргийн талаар Эрүүл мэндийн сайд Т.Мөнхсайхан мэдээлэл өглөө.

Тэрбээр “Цэргийн төв эмнэлэг Батлан хамгаалах яамны харьяа. Гэхдээ Эрүүл мэндийн яамны салбарын хяналтын газраас шалгалт хийж эхэлсэн. Бид элгэний B, С, ДОХ-ын халдварын шинжилгээг эмнэлэгт хэвтэж байгаа хүн болгон хийж нягталдаг. Тус хүн аравдугаар сард хэвтсэн юм билээ. Диализын аппаратад хүн орохоос өмнө халдвар хамгаалалт хийгддэг. Гэхдээ ямар нэгэн вирусийн халдвартай хүн энгийн хүнээс тусдаа  аппаратад ордог. Энэ халдвар хамгаалалтын дэглэм алдагдаж, бусад хүнд халдвар халдсан эрсдэл байгаа эсэхэд салбарын хяналтынхан ажиллаж байгаа. Үнэхээр тийм нөхцөл байдал үүсэн бол хаана хариуцлага алдсаныг тогтоож, хариуцлага тооцно.