Төрийн ордонд "Эрүүдэн шүүлт тулгах, хүнлэг бус, хэрцгий хандахаас ангид байх хүний эрхийн хэрэгжилт" хүний эрх, эрх чөлөөг хамгаалахтай холбоотой УИХ-ын хяналтын сонсгол болж байна. Энэ үеэр сэтгүүлч Н.Өнөрцэцэгийн дүү Н.Амгаланбаяр үг хэллээ.

Тэрбээр “Би сэтгүүлч Н.Өнөрцэцэгийн ар гэрээс энэ хэлэлцүүлэгт ирсэн юм. 2023 оны арванхоёрдугаар сарын 4-өөс хойш эрүүдэн шүүхээр явсан юм байна. Нэг өдөр хоёр захирамж гарч, нэг сарын хугацаанд хорьсон. 2024 оны хоёрдугаар сарын 6-нд гараад долдугаар сарын 18,19-нд анхан шатны шүүх хуралдаан болох хооронд хоригдсон 150 хоног нь 4.9 жилээс нь хасагдаагүй байна. Энэ бол эрүүдэн шүүлт. Анхан шатны шүүх гурван хоног хуралдахдаа ганц ч удаа өмгөөлөгч оруулаагүй ингээд 4.9 жилийн хорих ёл оноосон. 150 хоног өөрөөр хэлбэл таван сарын хугацаанд хоригдсон, энэ бол цэвэр эрүүдэн шүүлт. Ийм л нийгэмд амьдарч байна" гэв.