Үл таних хүмүүстэй согтууруулах ундааны зүйл хэрэглэж байгаад зодуулж, нас баржээ. Цагдаагийн байгууллагад “Бусдад зодуулсан байдалтай хүн түргэн тусламжаар ГССҮТ-д хүргэгдэн ирж эмчлэгдэж байгаад нас барлаа” гэх дуудлага, мэдээлэл бүртгэгджээ. Дуудлагын дагуу  шалгалтын ажиллагаа явуулахад 36 настай эрэгтэй Т нь энэ оны арваннэгдүгээр сарын 12-ны өдөр үл таних хүмүүстэй архи, согтууруулах ундааны зүйл хэрэглэж байгаад маргалдаж, зодуулан толгойдоо гэмтэл авч, улмаар Гэмтэл, согог судлалын үндэсний төвд хүргэгдэн эмчлэгдэж байгаад нас баржээ. Тус хэргийг 31 настай У гэгч үйлдэж, Баянзүрх дүүрэгт байрлах барилгад нуугдаж байсныг олж тогтоон мөрдөн шалгах ажиллагааг явуулж байна.