УБEГ-ын дарга Д.Дэлгэрсайхан ажлынхаа өрөөнд архидан согтуурсан үедээ хүн зодож танхайрсан гэх мэдээлэл олон нийтийн сүлжээнд цацагдсан билээ. Тэгвэл тус хэрэгтэй холбоотойгоор Д.Дэлгэрсайхан өнөөдөр өөрийн хүсэлтээр ажлаа өгчээ. Энэ талаар Хууль зүй дотоод хэргийн сайд О.Алтангэрэл мэдээлэл өглөө

Тэрбээр “Улсын бүртгэлийн ерөнхий газрын дарга ажлаасаа чөлөөлөгдөх хүсэлтээ өгсөн. Өөрийнхөө асуудлыг шалгуулж, үнэн зөвийг тодруулах хүртлээ албан тушаалын байдлаар саад учруулахгүй гэж хүсэлтээ өгсөн. Өнөөдрийн Засгийн газрын хуралдаанаар шийдвэрлэгдэж, ажлаас нь чөлөөлсөн. Дараагийн Улсын бүртгэлийн ерөнхий газрын даргыг Засгийн газрын хуралдаанаар шийднэ. Цахим мөрийтэй тоглоомтой тэмцэж байгаа, одоогийн байдлаар зургаан тэрбум төгрөгийг битүүмжилсэн байна. Гэхдээ иргэд өөрсдөө сонор сэрэмжээ дээшлүүлэх хэрэгтэй. Цахим залиланд өртөхөөс сэргийлэх ёстой. Интермед эмнэлэгтэй холбоотой асуудлыг холбогдох байгууллагын ь шалгалт хийж байгаа.