Арваннэгдүгээр сарын 11-ний дөрвөн нэг давхацсан өдрийг зарим улсад тэмдэглэлт баяр болгон өнгөрүүлдэг. БНСУ-д энэ өдрийг "Пеперо өдөр" гэж нэрлэх нь бий.

"Пеперо" урт нарийн жигнэмгийг хайртай хүн болон найз нөхөд, хүндэлдэг хүмүүстээ өгч, сэтгэлээ илчлэх нь энэ өдрийн гол зорилго. Өмнөд Солонгост энэ өдөр валентины баярын өдөр шиг өнгөрдөг байна. 1996 оны арваннэгдүгээр сард тус баярын талаар БНСУ-ын сонинд анх нийтлэгдэж байжээ. Уг нийтлэлд “Жил бүрийн арваннэгдүгээр сарын 11-ний өдрийг Пеперогийн өдөр гэж нэрлэдэг хөгжилтэй уламжлал Хойд Кёнсан мужийн өсвөр насны охидын дунд түгээмэл дэлгэрчээ” гэсэн байж.

Зарим жилүүдэд Лотте компани жилийн борлуулалтынхаа 50 хувийг энэ өдөр олдог гэнэ. Тус брэндийн нүүр царайгаар БНСУ-ын алдарт EXO хамтлаг ажиллаж байсан бөгөөд одоогийн нүүр царай нь Newjeans хамтлаг юм.