Узбекистан Улсын Ташкент хотноо энэ сарын 2-8-ны хооронд зохион байгуулагдсан таеквондогийн Дэлхийн цомын тэмцээнд 30 гаруй орны 1170 тамирчид оролцсон бөгөөд тус тэмцээнд Монгол Улс багийн дүнгээр гутгаар байр эзэлжээ.

Тус тэмцээн нь дөрвөн жилд нэг удаа явагддаг тулааны спортын их наадам юм. Мөн тус тэмцээний түүхэнд анх удаа нэг гэр бүлийн гурван хүн медаль хүртжээ. Тодруулбал, Г.Ганбилэг 18-34 насны ангиллын VI-V зэргийн 64 кг жинд алтан медаль, түүний охин Г.Ану-Үжин 10-11 насны ангиллын VI зэргийн -25 кг жинд алт, хүү Г.Ган-Эрдэнэ 6-7 насны VI зэрэгт тулалдан мөнгөн медаль хүртжээ.