Энэ өдөр буюу арваннэгдүгээр сарын 9-нд дэлхийн түүхэнд юу өрнөж байсныг хүргэж байна.

1989 оны арваннэгдүгээр сарын 9. Берлиний хана нурав

Зүүн Германы дэглэм унасны дараа баярлаж хөөрсөн хүмүүс Баруун Берлиныг тойруулан босгосон хоёр системийн хаалт ханыг нурааж эхэлсэн байна. Хана нурсны 15 жилийн ойгоор уг ханыг “Чарли” гэх нэвтрэн өнгөрөх цэг байсан газар 200 метрийн ханыг сэргээн барьж Берлины ханын дурсгалын цогцолборыг бий болгосон байна. Тэнд 1961-1989 он хүртэл хана давах гээд алдагдсан хүмүүсийн тоогоор 1026 загалмайг босгосон байдаг.

1938 оны арваннэгдүгээр сарын 9. Еврейчүүдийг хоморголон устгах Нацистын хөдөлгөөн эхлэв

Адольф Хитлер тэргүүтэй Нацист Германчууд 1938 оны арваннэгдүгээр сарын 9-нд Еврей үндэстнүүдийг хоморголон устгах "Kristallnacht" хөдөлгөөнийг эхлүүлжээ."Night of Broken Glass" гэж нэрлэдэг уг явдал одоогийн Герман, Австрийн нутагт шөнө эхэлж нэг өдрийн дотор 100 гаруй хүний аминд хүрч, 30 мянган Еврейчүүдийг баривчилсан байна.

1985 оны арваннэгдүгээр сарын 9.Шатрын дэлхийн хамгийн залуу аварга

Оросын шатрын их мастер Гарри Кимович Каспаров 22 насандаа буюу 1985 оны арваннэгдүгээр сарын 9-нд Шатрын дэлхийн аварга шалгаруулах тэмцээнд түрүүлсэн хамгийн залуу шатарчин болжээ. Тэрээр финалд мөн Оросын Анатолыий Карповыг ялсан бөгөөд түүнээс хойш 1993 оныг хүртэл найман жилийн турш "FIDE (International Chess Federation)" холбооны аваргын цолоо хамгаалсан.