Сэлэнгэ аймгийн Баянгол сумын Баян багийн “Баян-Уул” гэдэг газар аймгийн төвөөс урд зүгт 207 км, сумын төвөөс хойд зүгт найман км автомашины төмөр хийцэд хүн хавчуулагдсан гэсэн дуудлагыг 11.06-ны өдрийн 06:55 цагт Онцгой байдлын байгууллага хүлээн авчээ. Тус аймгийн Онцгой байдлын газрын Баянгол сум дахь Гал түймэр унтраах, аврах 40 дүгээр ангийн алба хаагчдыг очиход Баянгол сумаас Сэлэнгэ аймгийн чиглэлд зорчиж явсан иргэн Э-гийн “Lexus HS250h” загварын суудлын автомашин гурван зорчигчтой ачааны автомашины араас мөргөж жолооч Э 38 настай, эрэгтэй хавчуулагдсан байжээ. Алба хаагчид 18 минут ажиллан эсэн мэнд гаргаж, сумын Эрүүл мэндийн төвд хүлээлгэн өгсөн байна.