Сэтгүүлч Н.Өнөрцэцэгийн шүүх хуралтай холбоотойгоор Нийслэлийн эрүүгийн хэргийн давж заалдах шатны шүүхэд Сэтгүүлчдийн нэгдсэн эвлэлээс албан хүсэлт өглөө.

       Энэ үеэр Монголын сэтгүүлчдийн нэгдсэн эвлэлийн Ерөнхийлөгч Ө.Отгонбаатар "Мэргэжлийн бүх байгууллага нэгдэж гарын үсэг зурж, сэтгүүлч Н.Өнөрцэцэгийн шүүх хурлыг нээлттэй явуулж өгөөч гэх хүсэлтийг шүүхэд өглөө. Эргэж хариу мэдэгдэнэ гэсэн. Арваннэгдүгээр сарын 7-ны шүүх хурлыг бүгд хүлээж байна. Өнөөдөр сэтгүүлч Н.Өнөрцэцэг өлсгөлөн зарлалаа гэдгээ мэдэгдсэн байна. Энэ шүүх хурлыг анхнаасаа нээлттэй явуулахыг хүсэж байсан. Тэгэхээр одоо болох шүүх хурлыг хэсэгчлэн нээлттэй явуулахыг хүсэж байна. Үнэхээр төрийн нууц гэх хэрэг бий бол түүнийгээ хаалттай нь явуулаад бусад дөрвөн хэргээ нээлттэй явуулж өгөөч гэж байгаа юм. Эсвэл бидний төлөөллийг шүүх хуралд ажиглагчаар оролцуулаач гэх хүсэлтийг тавьж байна" гэв.