“Тайгам-Алтай" ХХК барилгын газар шорооны ажлыг хийх явцдаа 640 хүүхдийн сургуулийн дулааны шугамыг нураасан” гэх асуудал гараад буй. Тодруулбал, тус 640 хүүхдийн сургууль 2022 оноос баригдаж эхлэх байсан ч орон сууц барьж буй “Тайгам Алтай” компанитай газрын маргаантай байсан учраас 2023 оны зунаас барилгын ажлыг эхэлсэн байна. Сургуулийн дулааны шугамын үндсэн угсралтыг дуусаж, дулаан өгсний дараа Тайгам-Алтай" ХХК барилгын ажил хийх явцдаа тус дулааны шугамыг нураажээ. Үүсээд буй нөхцөл байдлын талаар тодруулахаар “Тайгам-Алтай" ХХК-ий ажилтантай холбогдоход “Тус сургуулийн дулааны шугам нурсан нь манайхтай ямар нэгэн хамааралгүй” гэсэн юм.

Харин тус сургуулийг барьж буй “Голден Лайт” компанийн ерөнхий инженер Л.Биндэръяа “Тайгам-Алтай" ХХК барилгын ажил хийх явцдаа нураасан нь үнэн. Одоо тус компани засварын ажил хийж байгаа” гэв.