Цас орж, халтиргаа, гулгаатай мөстсөн зам дээр жолооч нар нэг улирал явах болоод байна. Зам дээр аюулгүй зорчихын тулд хамгийн түрүүнд найдвартай дугуйг сонгох хэрэгтэй.

           “Дөрвөн улирлын дугуй” хэмээн зарагддаг дугуй нь өвлийн улиралд яг тохирсон байж чаддаггүй. Хэдийгээр ямар ч цаг агаарын нөхцөлд хэрэглэгчдэд тав тухтай байдлыг мэдрүүлдэг ч өвлийн улиралд тийм ч төгс зохицож чаддаггүй байна. Шавар болон цасны (M+S) тэмдэглэгээ нь бүх улирлын дугуй дээр байдаг ч яг өвлийн улиралд зориулагдсан дугуйн хэмжээнд хүртэл ажиллаж чаддаггүй.

           Өвлийн дугуйн өөр нэгэн чухал зүйл бол дугуйн сорох, шимэх чадвар юм. Тухайлбал,  Сорох чадвар өвлийн дугуйн чадварыг илтгэх хамгийн гол зүйл. Дугуйг замтай илүү барьцалдуулах боломжийг олгодог гэсэн үг.

           Зарим жолооч урд эсвэл хойд хоёр дугуйгаа өвлийн дугуйгаар солиход болчихно гэж үзэж магадгүй, энэ нь харин ч таныг гулгаатай замд том аюулд оруулж байна гэдгийг ойлгодоггүй. Өөр өөр төрлийн дугуйг урд хойноо хийж ашиглах нь эргэлтийн үед асуудал үүсгэдэг. Өөр төрлийн дугуйг хэрэглэснээр эргэлтийн үед жолоодлого алдагдах өндөр магадлалтай байдаг.

           Жолооч нарын хамгийн гол хэрэглээ болох өвлийн дугуйн үнэ жилээс жилд өсөж буй билээ. Энэ жилийн хувьд шинэ Хятад дугуй 170 мянган төгрөгөөс эхэлж байгаа бол Япон дугуй шинэ нь 500, хуучин нь 50 мянган төгрөгөөс дээш үнээр худалдаалагдаж байна.