Орон нутгийн сонгууль болж, НИТХ-ын төлөөлөгчид үнэмлэхээ гардан авсан. Харин ойрын өдрүүдэд дүүргийн Засаг дарга нарыг томилох асуудал яригдаж байгаа. Баянгол дүүргийн засаг даргаар НИТХ-ын төлөөлөгч Б.Сэмжидмаагийн нэр яригдаж байгаа аж. Тэрбээр НИТХ-ын төлөөлөгчөөр сонгогдсон даруйдаа “Баянгол дүүргийн иргэдийг нийслэлийн шийдвэр гаргах түвшинд төлөөлж, амьдрах орчин хүний хөгжил бүтээн байгуулалтын хүрээнд дүүргийнхээ оролцоог бүх талаар хангаж, иргэдийнхээ гүүр нь болж ажиллана” хэмээн амлалт өгсөн байдаг. 

    Тэрбээр Архангай аймгийн Хайрхан суманд төрсөн. Улс төр судлалын доктор цолтой. 2002-2006 Сэлэнгэ аймгийн Нэгдүгээр сургуульд хичээлийн эрхлэгч, 2007-2009 “Эрин” сургуульд Гүйцэтгэх захирал, 2009-2013 “Оюуны нахиа” ТУЗ-ийн дарга, 2013-одоо БГД-ийн намын хорооны Дэд дарга, 2018-одоо “Эрдэнэт үйлдвэр”-ийн УБ дахь төлөөлөгчийн газар, 2018-одоо “Эрдэнэт”, “Булган” ЦТС ТӨХК-ийн ТУЗ-ийн гишүүн, 2020-2024 БГД-ийн Иргэдийн Төлөөлөгчдийн Хурлын Төлөөлөгч, Иргэдийн Төлөөлөгчдийн Хурлын даргаар ажиллаж байна.