Аймаг, нийслэл, сум, дүүргийн ИТХ-ын ээлжит сонгуулийн санал хураалт өнөөдөр болж буй. Тэгвэл 12:30 цагийн байдлаар сонгогчдын ирц 21.9 хувьтай байгаа Сонгуулийн ерөнхий хорооноос мэдээллээ.

   Тус газраас "Санал хураах үйл ажиллагааг 2020 оны орон нутгийн сонгуультай харьцуулахад энэ жил иргэд илүү идэвхтэй байна. Тэр дундаа 70-аас дээш насныхан буюу 51.6 хувийн ирцтэйгээр идэвхтэйгээр санал хураалтад оролцож байгаа бол аймгуудаас Сүхбаатар аймаг хамгийн өндөр ирцтэй буюу 36.1 хувийн ирцтэйгээр саналаа өгч байна. Говь-Алтай 31.9, Завхан 29.9, Говьсүмбэр 29.6 хувийн ирцтэйгээр тэргүүлэн явна" гэв.