• Өнөөдөр 2022-01-22

Ц.ЦОГТБААТАРЫН ээж С.ЭНХТУЯА: Миний хүү дэлхийн бөх гэдгээ дахин баталж чадлаа

2021-11-30,   264

    Абу Даби-2021” Гранд Слам тэмцээний хоёр дахь өдөр “Токио-2020” олимпын наадмын хүрэл медальт, залуучуудын ДАШТ-ий хошой мөнгөн медальт, Шүүхийн шийдвэр гүйцэтгэх ерөнхий газрын “Сүлд” спорт хорооны тамирчин Сүхбаатарын одонт ОУХМ Цэнд-Очирын Цогтбаатар аваргын алтан медаль хүртсэн билээ. Тэрбээр өмнө нь “Их дуулга” ангилалд гурван удаа түрүүлсэн бөгөөд дөрөв дэх түрүүгээ Узбекистаны Х.Тураевийг ялснаар хүртэж, чансаагаа 1000 оноогоор ахиулж, дэлхийд хоёрдугаарт жагсаж байна. Ийнхүү түүний ээж С.Энхтуяатай холбогдож баярын сэтгэгдлийг нь хуваалцлаа.

    Тэрбээр “Миний хүү дэлхийн бөх гэдгээ дахин баталж чадлаа. Хэдий цаасан дээр хоёрдугаарт жагсаж байгаа ч миний зүрх сэтгэлд хүү минь дэлхийд тэргүүлж байгаа шүү дээ. Хүүгээрээ маш их бахархаж, баярлаж байна. Олимпоос хойш гурван тэмцээнд оролцож, хоёр медаль авсан. Хүү минь амжилт, нэр хүнддээ ханаж, онгирч хөөрөхгүй байвал түүнээс их амжилт, олны хайр хүндэтгэл хүлээж чадах байх. Би ээжийнх нь хувьд даруухан, зангаараа л байгаасай гэж хүсдэг дээ” гэв.


Ц.ЦОГТБААТАРЫН ээж С.ЭНХТУЯА: Миний хүү дэлхийн бөх гэдгээ дахин баталж чадлаа
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188