Засгийн газрын өнөөдрийн хуралдаанаар зарим яамны Төрийн нарийн бичгийн дарга нарыг чөлөөлжээ. Тухайлбал, Боловсрол, шинжлэх ухааны яамны Төрийн нарийн бичгийн дарга Д.Батбаатарыг албан тушаалаас нь чөлөөлсөн байна. Тэрбээр 2020 оны наймдугаар сард тус яамны төрийн нарийн бичгийн даргаар томилогдож байжээ. Одоогоор түүний орны хүнийг томилоогүй бөгөөд цаашид бусад яамдын төрийн нарийн бичгийн даргыг чөлөөлөхөөр яригдаж байгаа гэх. Д.Батбаатар нь өмнө нь Монгол ардын намын Хяналтын хорооны даргаар ажиллаж байсан билээ.