Импортын мэдэгдэлгүй 10 тонн тахианы махан таташ Замын-Үүд боомтоор нэвтрүүлэх гэж байсныг илрүүлжээ. Тодруулбал, өчигдөр буюу аравдугаар сарын 6-ны өдөр Замын-Үүд боомт дахь Хилийн мэргэжлийн хяналтын албаны хяналт шалгалтаар илрүүлсэн байна.

Шалгалтаар Монгол Улсын “Амьтан ургамал тэдгээрийн гаралтай түүхий эд, бүтээгдэхүүнийг улсын хилээр нэвтрүүлэх үеийн хорио цээр хяналт шалгалтын тухай” хуулийн 9 дүгээр зүйлийн 9.1.1 дэх заалт, 10 дугаар зүйлийн 10.1.2 дахь заалт, 29 дүгээр зүйлийн 29.1.1 дэх заалтуудыг тус тус зөрчиж импортын мэдэгдэлгүй 10 тонн тахианы махан татшыг хилээр нэвтрүүлэхийг завдсан зөрчлийг илрүүлэн Зөрчлийн тухай хуулийн дагуу арга хэмжээ авч, барааг Засаг даргын дэргэдэх Захиргааны зөвлөлийн шийдвэрийн дагуу устгах арга хэмжээ авч ажиллажээ.