Нийслэлийн Эрүүл мэндийн газрын орлогч дарга Ж.Отгонболд оюутнуудын халдвар авсан байдлын талаар мэдээлэл өглөө.

    Тэрбээр "Хичээл сургууль эхэлсэнтэй холбоотойгоор оюутны дотуур байранд орон нутгаас 10,000 орчим оюутан ирсэн. БШУЯ, НОК-ын Шуурхай штаб хамтран есдүгээр сарын эхээр хичээлийн танхим, оюутны байруудад хяналт шалгалт хийж, удирдамж арга зүйгээр хангасан.

    Гол нь төрийн их, дээд сургуулиуд оюутнуудаа эрүүл мэндийн даатгалд хамруулахыг уриалж байна.

   Одоогийн байдлаар МУИС-ын оюутны дөрөвдүгээр байр, Оюутны өргөө-2 байрын хоёр давхрыг тусгаарлан эмчлэх байр болгон гаргаад байгаа.

  Өнөөдөр СУИС дээр шинээр найман тохиолдол батлагдсан. Одоогоор нийт 750 оюутан коронавируст халдвараар өвчлөөд байгаагаас тав нь эмнэлэгт хэвтсэн байна.

   Халдвар авсан хойноо авах хариу арга хэмжээнд бус халдвар авахгүй байхад анхааран эрсдэлийг бодож, вакцины гурав дахь тунд хамрагдахыг иргэд, оюутан залууст уриалж байна.