Монгол Улсад музейн салбар үүсэн байгуулагдсаны 95 жилийн ой, Олон улсын ахмадын өдрийг угтан “Хаан ордны намар 2021” нээлттэй өдөрлөг өнөөдрөөс эхэлж байна. Өдөрлөг аравдугаар сарын 1-7-ны өдрүүдэд үргэлжлэх бөгөөд музей 09:30-18:30 цагийн хооронд ажиллана. Мөн энэ үеэр үзэгч үйлчлүүлэгчиддээ зориулан музейн тасалбарын үнийг хоёр хүний дунд нэг буюу 50 хувь, өндөр настан, хөгжлийн бэрхшээлтэй иргэдэд тасалбарын үнийг 100% чөлөөлж байгаа аж.

        Уг үзэсгэлэнд Богд хааны ордон музейн үзмэрийн дээжисээс толилуулах бөгөөд үзэгч олны сонирхлыг ихээхэн татдаг “Бодлоор зангидсан илд” үзмэр үзүүлэгт гарах юм. “Хаан ордны намар 2021” арга хэмжээний үеэр Манж цавын асарт амралтын өдрүүдээр “Бүжигчний нэг өдөр” залуучуудын бүжгийн тоглолтыг олон нийтэд толилуулан бий биелгээний сургалт зохион байгуулахаас гадна өөр олон төрлийн арга хэмжээ зохион байгуулагдхаар болсон бөгөөд  Богд хааны ордон музейн боловсролын ажил танилцуулга, үзэгчид хөрөг зургаа зуруулах, уран бичлэг зэрэг хөтөлбөрүүд багтжээ.

        Мөн аравдугаар сарын 3-ны өдөр Богд хааны ордон музейн дэргэдэх дурсгалын цэцэрлэгт хүрээлэнд “Jazz City Revival”  жазз хөгжмийн наадмын тоглолт болох ажээ.

М.Жавхлан