Говь-Алтай аймгийн Алтай сумын нутагт байрлах хилийн цэргийн 0214-р ангийн Баянтооройн заставын Чандмань богд хилийн харуулын постод үүрэг гүйцэтгэж байсан байлдагч М, Х нар харуулын даргаа буудаж амийг нь бүрэлгэж,  цэргийн албанаас оргосон хэрэг өнгөрөгч дөрөвдүгээр сард гарсан.

    Говь-Алтай аймгийн сум дундын эрүүгийн хэргийн анхан шатны шүүхэд цэргүүдэд холбогдох хэргийн шүүх хуралдааныг өчигдөр 10:00 цагт хаалттай хянан хэлэлцэхээр товлосон байна. Шүүгдэгч Х-ийн нэг өмгөөлөгч  өвчний улмаас  эмнэлэгт хэвтэн эмчлүүлж байгаа бөгөөд шүүх хуралдааныг хойшлуулах хүсэлтийг нотлох баримтын хамт ирүүлжээ. Улмаар шүүгдэгч Х өмгөөлөгч нарын хамт шүүх хуралдаанд оролцох хүсэлт гаргасныг хүлээн авч, шүүх хуралдааныг тодорхойгүй хугацаагаар хойшлуулсан байна.