УИХ-ын өнгөрсөн долдугаар сарын 2-ны өдөр баталсан “Өршөөл үзүүлэх тухай” хуулийн дагуу замын хөдөлгөөний дүрэм зөрчсөн жолооч нарын торгуулийн 50 хувийг өнөөдөр буюуу аравдугаар сарын 1-н хүртэл хөнгөлөхөөр болсон. Улмаар тээврийн хэрэгслийн торгууль төлөх хугацаа өнөөдрөөр дуусаж байна.

Тээврийн хэрэгслийн торгуультай жолоочид дараах төлбөрийн шийдлүүдийг ашиглан татвар, торгуулиа өнөөдөртөө багтаан төлөх боломжтой. Үүнд:

• E-mongolia.mn цахим хуудас.
• “Smartcar” аппликэйшн, Smartcar.mn цахим хуудас.
• mn системийн “Интернэт банк”-аар, “Golomt bank” аппликэйшн, “SocilalPay” аппликэйшнээр, “Голомт” банкны салбар дээр биеэр очиж төлбөр төлөх.
• “Гялс банк” аппликэйшн, Statebank.mn вебсайтын “Гялс цахим банк”-аар, мөн Төрийн банкны салбар дээр биеэр очиж төлбөр төлөх.
• “Gerege” аппликэйшнээр, “Гэрэгэ киоск” машинаар дамжуулан биеэр очиж төлбөр төлөх .
• Худа­­­лдаа хөгжлийн банкны салбар төвүүдээр өөрийн биеэр очиж төлөх.