Ховд аймгийн Манхан сумын Ботгон багийн  Ботгоны хавцал гэх газар /аймгийн төвөөс баруун урд зүгт 130 км, сумын төвөөс баруун урд зүгт 50 км/-т “Пронтер” загварын ачааны автомашин замын хажуу руу онхолдож автомашины төмөр хийцэд хүн хавчуулагдсан байна гэсэн дуудлага 09.29-ний өдрийн 09:00 цагт тус аймгийн онцгой байдлын газарт ирсэн байна.

        Дуудлагын дагуу онцгой байдлын газрын Манхан сум дахь Эрэн хайх, аврах бүлгийн алба хаагчид 50 км замыг туулан 10:20 цагт очиж иргэн М /29 настай, эрэгтэй/ нь нас барсан байсныг цогцсыг гарган аймгийн Цагдаагийн газарт шилжүүлэн өгчээ.  

        Мөн хамт зорчиж явсан  Иргэн Д /43 настай, эрэгтэй/ нь автомашины төмөр хийцэд  хоёр хөл нь хавчуулагдсан байсныг Манхан сумын Эрүүл мэндийн төвд хүлээлгэн өгчээ.