Дорнод аймгийн Хэрлэн сумын хоёрдугаар багт хөгжлийн бэрхшээлтэй иргэн энэ сарын 27-нд гэрээсээ гараад сураггүй болжээ. Харин энэ сарын 28-нд Хэрлэн голын эргээс хоёр таягийг нь ар гэрийнхэн нь олж, голын усанд осолдсон байж болзошгүй хэмээн Онцгой байдлын газар дуудлага мэдээлэл өгсөн байна.

      Тус аймгийн Онцгой байдлын газрын Эрэн хайх, аврах ангийн алба хаагчид Э, 54 настай, хөгжлийн бэрхшээлтэй эрэгтэйг өчигдөр Улаан-Эрэгээс Хадан хошуу гэх газар хүртэл 25 км-т, Хэрлэн голын усаар 60 км-т завьтай урсаж эрэн хайх ажиллагааг зохион байгуулсан боловч үр дүнд хүрээгүй тул эрлийг 18:20 цагт түр зогсоосон байна. Харин өнөө өглөө эрэн хайх ажиллагааг дахин эхлүүлж Хэрлэн голоос цогцсыг олж гарган аймгийн Цагдаагийн байгууллагад шилжүүлэн өгчээ.