Тээврийн цагдаагийн албаны жижүүрийн шуурхай удирдлагын хэлтэст өчигдөр  330 дуудлага, мэдээлэл хүлээн авчээ. Үүнээс зам тээврийн ослын шинжтэй 244 дуудлага мэдээллийг хүлээн авч, ажилласан байна. 

      Бүртгэгдсэн зам тээврийн ослын улмаас найман иргэн гэмтэж, таван хүний амь хохиржээ. Тухайлбал, 

• Нийслэлийн Баянгол дүүргийн 22 дугаар хорооны нутаг дэвсгэрт ачааны  автомашин унадаг дугуй унаж явсан хүнийг мөргөж, амийг нь хохироосон байна.
• Баянхонгор аймгийн Өлзийт сумын нутаг дэвсгэрт улсын дугааргүй мотоцикл онхолдож, жолоочийн амь хохирсон.
• Дорнод аймгийн Хэрлэн сумын нутаг дэвсгэрт улсын дугааргүй мотоцикл онхолдож, жолоочийн амь нас хохирсон.
• Завхан аймгийн Идэр сумын нутаг дэвсгэрт суудлын автомашин онхолдож, зорчигийн амь хохирсон.
• Төв аймгийн Мөнгөнморьт сумын нутаг дэвсгэрт суудлын автомашин онхолдож, жолооч, зорчигч хоёр хүний амь хохирсон хэргүүдийг тус тус шалгаж байна.