Парламентын үйл ажиллагааг нээлттэй сурвалжлах боломжоор хангахыг шаардаж, сэтгүүлчид хэвлэл мэдээллийн байгууллагууд УИХ, Засгийн газарт шаардлага хүргүүллээ.

     Өнгөрсөн жил гаруйн хугацаанд парламентын үйл ажиллагаа цахим хэлбэрт шилжиж, Төрийн ордонд хэвлэл мэдээллийн байгууллагуудыг чөлөөтэй нэвтрүүлэх боломж нөхцөлийг нь хязгаарласан юм. Энэ нь иргэдийн мэдэх эрхийг хязгаарлаж байна хэмээн хэвлэл мэдээллийн байгууллагууд үзэж байна. Иймд сэтгүүлчдийг  Төрийн оронд чөлөөтэй нэвтрүүлж, мэдээ, сурвалжилга бэлтгэх боломжоор хангах шаардаж, албан бичиг хүргүүлсэн юм.

Энэ үеэр Засгийн газар, УИХ-ын хэвлэл мэдээлэл олон нийттэй харилцах хэлтсийн төлөөлөл хэвлэлийн байгууллагуудтай уулзаж, ажлын хэсэг гаргаж, хамтарч ажиллах талаар ярилцсан юм.