Ерөнхий боловсролын сургуулийн сурагчдын сурлагын хоцрогдлыг арилгах цогц төлөвлөгөө 2021-2023 оны хүрээнд Боловсрол, шинжлэх ухааны сайдын 2021 оны зургадугаар сарын 23-ны өдрийн А/240 дугаар тушаал гарсан. Үүгээр “Суралцагчдын мэдлэг, чадварын ялгаатай байдлыг оношлох, хариу арга хэмжээ зохион байгуулах"-ыг холбогдох байгууллагуудад үүрэг болгосон. Энэхүү арга хэмжээний хүрээнд Боловсролын үнэлгээний төв, аймгийн Боловсролын газар, ерөнхий боловсролын сургуулийн удирдлага, багш нартай хамтран “Ерөнхий боловсролын сургуулийн сурагчдын оношлох үнэлгээ”-г  энэ сарын 23-24-ний өдрүүдэд зохион байгуулсан. Архангай аймагт оношлох үнэлгээнд 24 ерөнхий боловсролын сургуулийн 2-12-р ангийн 5857 сурагч програмын аргаар түүвэрчилж авсан, тэдгээрийн эцэг эхчүүд хамрагдлаа. Оношлох үнэлгээний үр дүнд шинжилгээ хийж, сурлагын хоцрогдлыг арилгах цогц төлөвлөгөөг БШУЯ, Боловсролын үнэлгээний төвөөс хэрэгжүүлэх юм. Оношлох үнэлгээг цаашид жил бүр зохион байгуулахаар төлөвлөж байгаа а