Нийслэлийн өвөлжилтийн бэлтгэл 96.5 хувьтай байна.

        Аравдугаар хорооллоос Сүлжмэл хүртэлх дулааны шугам сүлжээг Европын сэргээн босголт хөгжлийн банкны хөнгөлөлттэй зээлээр хийж буй 3.3 километр урт хос дулааны шугамын өргөтгөлийн ажил 90 хувийн гүйцэтгэлтэй явж байгаа бол сайжруулсан шахмал түлшний 600 гаруй цэгийг 10 дугаар сарын нэгнээс ажиллуулхаар болжээ. Улаанбаатар хотод одоогоор сайжруулсан шахмал түлшний нөөц 56 мянган тонн байгаа бөгөөд нөөцийн хэмжээг 80 мянган тоннд хүргэхээр ажиллаж байгаа аж.

        Өвлийн  бэлтгэл хангах хүрээнд Хот тохижилтын газар, нийслэлийн есөн  дүүргийн ТҮК-иуд нийт 4000 тн гаруй давс, мөн тооны бодис нөөцөд бэлтгэдэг. Одоогоор 500 гаруй тонн  давс,  1766.7 тн бодисын нөөцтэй байна. 2000 тонн бодис, 666 тонн давс худалдан авахаар тендер зарлаж, гүйцэтгэгчийг нь шалгаруулжээ.