Энэ жилийн хувьд 347 мянган толгой мал тоолуулснаас 320 мянга орчим мал нутагтаа өвөлжих тоон мэдээлэлтэй байна. Коронавирусний халдвар Баян-Өнжүүл суманд сүүлийн өдрүүдэд нэмэгдээгүй бөгөөд нийт тус суманд батлагдсан 151 тохиолдол байна. Одоогоор эрүүл мэндийн газарт ажиллах хүн хүч дутмаг хэдий ч түргэвчилсэн оношлуурыг нөөцөлсөн гэлээ. Мөн Баян-Өнжүүл суманд улсын төсвийн нэг тэрбум төгрөгийн хөрөнгө оруулалт бүхий эмнэлгийн барилгын ажил явагдаж байгаа бөгөөд гүйцэтгэл удаашралтай байгааг сумын удирдлага онцоллоо.