АНУ-ын Нью Йорк хотноо болсон НҮБ-ын Ерөнхий Ассамблейн 76 дугаар чуулганд оролцсон Монгол Улсын Ерөнхийлөгч У.Хүрэлсүх өчигдөр орой эх орондоо ирлээ. Тэрбээр Ерөнхий Ассамблейн Ерөнхий санал шүүмжлэлд Монгол Улсын байр суурийг илэрхийлж үг хэлсэн бөгөөд хуралдааны үеэр 2030 он гэхэд Монгол улс тэрбумаар тоологдох хэмжээний мод тарих хөдөлгөөнийг эхлүүлэх гэж байгаагаа НҮБ-ын индрээс хэлсэн нь олон нийтийн анхаарлыг татаад байна.

    Мөн Эстони улстай инновац, мэдээллийн технологи, кибер аюулгүй байдлын салбарт хамтын ажиллагаагаа өргөжүүлэхэд хоёр орны санал нэгджээ. Тус уулзалтын үеэр харилцаа, хамтын ажиллагааг бүх салбарт үр дүнтэй, тогтвортой хөгжүүлэх зорилгоор Засгийн газрын түвшинд яриа хэлэлцээний байнгын механизм байгуулах талаар санал солилцсон байна.

М.Жавхлан