Архангай аймаг, Эрдэнэбулган сумын 40 дүгээр гудамжинд иргэн Г энэ сарын 14-нд гэрээсээ гараад сураггүй болсон тул эрэн хайх ажиллагаанд хүч нэмэгдүүлэн ажиллах тухай хүсэлтийг Цагдаагийн байгууллагаас энэ сарын 18-нд Онцгой байдлын газар хүлээн авсан байна.

       Тус аймгийн Онцгой байдлын газрын Эрэн хайх, аврах салбар, Цагдаагийн газрын алба хаагчид, ар гэрийнхний хамт нэг эрэлч нохойтой энэ сарын 18-нд Г 32 настай, эрэгтэйг эрэн хайх ажиллагааг тус сумын Цагаандаваа багийн Булган уул орчмоор нийт 20 км-т зохион байгуулж, үр дүнд хүрээгүй тул ар гэрийнхнийх нь хүсэлтээр эрлийг зогсоосон байна. Харин  өчигдөр ар гэр нь дахин хүсэлт гаргасны  дагуу тус аймгийн Онцгой байдлын газрын Эрэн хайх, аврах салбарын  алба хаагчид, ар гэрийнхний хамт эрэн хайх ажиллагааг эхлүүлж, Булган уулын баруун зүүн энгэр, Цагаан давааны зүүн энгэр нийт 45 км газар эрэн хайх ажиллагааг зохион байгуулж 18:45 цагт ар гэрийн хүсэлтийг үндэслэн, Онцгой байдлын газрын орлогч, урьдчилан сэргийлэх тасгийн даргын шийдвэрээр эрлийн ажиллагааг түр зогсоосон байна.