Сонгинхайрхан дүүргийн Онцгой байдлын хэлтсийн Гал түймэр унтраах, аврах 29 дүгээр ангийн гал унтраах автомашины жолооч, ахлах ахлагч Л.Мөнх-эрдэнэ гал унтраах хоолой болон хөдөлмөр хамгааллын хувцас угаах, хатаах, төхөөрөмжийг бүтээж, албанд ашиглаж эхэлжээ.

     Энэхүү угаагч төхөөрөмж нь минутанд 1490 эргэллтэй, 220 вольтын цахилгаанаар ажилладаг, 0,75 ваттын хүчтэй, 2 мотортой, эргэлтийн хүчийг 2x1-ийн харьцаагаар тааруулсан байна. Насос нь шулуундаа 32, өндөр есөн метрийн тусгалтай, төвийн болон өөрийн усны нөөцөөр ажилладаг аж.

       Харин хатаагчийн хувьд 130x100x145мм  таван зам, дөрвөн тормос дугуйтай, таван метр квадрат талбай хатаах халуун үлээгчтэй ажээ. Өвөл зуны аль ч улиралд хэрэглэх боломжтой бөгөөд гадна дотно хаана ч байрлуулан гал унтраах хоолой болон байлдааны хувцсыг богино хугацаанд хатаах зориулалттай ажээ. 

     Тус төхөөрөмжтэй болсноор гал унтраах хоолойн цэвэрлэгээ үйлчилгээ,  хөдөлмөр хамгааллын хувцасны өнгө үзэмж сайжрахаас гадна гал түймрийн дуудлагаар гарч ажилласаны дараах дуудлагад хурдан хугацаанд бэлтгэн, бэлэн байдлыг дээшлүүлэх, галын хоолойн эдэлгээний насжилт, зарцуулах хугацааг хэмнэх ач холбогдолтой болсон гэж нийслэлийн Онцгой байдлын газраас мэдээллээ. 

М.Жавхлан