• Өнөөдөр 2026-07-03

Г.Ганбаяр: Орон нутагт ажиллах багш, суралцагчдад зориулсан тэтгэлэгт хөтөлбөрүүд үе шаттайгаар хэрэгжинэ

2021-09-23,   412

           Засгийн газрын өнгөрсөн долоо хоногийн хуралдаанаар Дархан-Уул аймаг дахь төрийн өмчийн их сургуулиудыг сургалт-судалгаа-үйлдвэрлэлийн цогцолбор болгон хөгжүүлэх ажлыг үе шаттайгаар хэрэгжүүлэхээр шийдвэрлэсэн билээ. Тэгвэл уг асуудлаар Боловсрол, шинжлэх ухааны дэд сайд Г.Ганбаяр, БШУЯ болон ХААИС, ШУТИС, АШУҮИС-ийн удирдлагууд Дархан-Уул аймгийн удирдлагуудтай уулзаж, ярилцсан байна.

           Дархан-Уул аймагт байрлах ШУТИС нь 3000, АШУҮИС 2000, ХААИС 2000 оюутнууд суралцах боломжтой байдаг бол өнөөдрийн байдлаар ШУТИС 1102 , ХААИС 444, АШУҮИС 879 оюутан суралцаж байгаа аж. Иймд хичээлийн байрны хүчин чадал, нөөц боломжид суурилуулан одоогийн суралцагчдын тоог 2-3 дахин нэмэгдүүлэх боломжтойг дурдлаа.

           Аймагт их сургуулийн хотхон байгуулахтай холбогдуулан оюутнуудад зориулсан сургалтын төлбөрийн хөнгөлөлт, тэтгэлэгт хөтөлбөр, орон нутагт ажиллах багш сурган хүмүүжүүлэгч нарт тэтгэмж, орон сууцжуулах хөтөлбөрт хамруулах зэрэг ажлуудыг үе шаттайгаар хэрэгжүүлнэ гэж дэд сайд Г.Ганбаяр хэллээ.

          Тэгвэл Дархан-Уул аймгийн Засаг дарга Б.Азжаргал орон нутгийн зүгээс их сургуулиудын хотхон байгуулах асуудлыг дэмжиж ажиллахаа хэллээ

 

М.Жавхлан

 


Г.Ганбаяр: Орон нутагт ажиллах багш, суралцагчдад зориулсан тэтгэлэгт хөтөлбөрүүд үе шаттайгаар хэрэгжинэ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1
  • Сэтгэгдэл үлдээсэн: 2021-09-23 16:08:12
    Зочин: Боловсролын яам гэж унэхээр боловсролгуй болж бндоо!!!
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.