Паралимпын аварга  Э.Содномпилжээг 120 сая төгрөгөөр урамшуулах шийдвэр гарчээ. Засгийн газрын өнөөдрийн хуралдаанаар тамирчин, дасгалжуулагч нарт мөнгөн шагнал олгох тухай тогтоол баталжээ.Тодруулбал, Монгол Улсын гавьяат тамирчин, Паралимпын аварга Э.Содномпилжээд 120 сая төгрөг, дасгалжуулагч Д.Баттулгад 60 сая төгрөг тус бүр олгохоор болсон байна.

      Тэрбээр “Токио-2020” паралимпад 241 килограмм, 245 килограммын туйванг өргөж, дээд амжилтыг эвдэж аварга болсон билээ. Мөн  “Рио-2016” паралимпад 210 килограмм өргөж, Риогийн паралимпаас хүрэл медаль хүртэж байсан. Үүнээс гадна 2017 оны пара хүндийн өргөлтийн дэлхийн аваргаас мөнгөн медаль хүртэж, 2019 оны дэлхийн аваргаар 247 килограмм өргөж, шинэ дэлхийн дээд амжилт тогтоон түрүүлж байв. Мөн 2018 оны Азийн пара наадмаас алтан медаль хүртсэн амжилттай юм.