Хөх хотод суух Ерөнхий консул асан Д.Мөнх-Эрдэнэ гавьяат тамирчин Э.Цэндбаатарт 50 сая төгрөг өгч, байр, автомашинтай болгох аян эхлүүлээд байгаа билээ. Тэгвэл Д.Мөнх-Эрдэнийг Э.Цэндбаатарт өгөх 50 сая төгрөгөө өгөөгүй хэмээх мэдээлэл цахим орчинд тархаад байна.

            Энэ талаар Д.Мөнх-Эрдэнээс тодруулахад “Э.Цэндбаатарын нэр дээр данс нээсэн. Одоогийн байдлаар 20 гаруй сая төгрөг цуглаад байна. Байрны мөнгө цугларсан даруй би 50 сая төгрөгөө нэмээд, гардуулж өгнө. Хандив эхлээд дөнгөж хоёр, гурав хонож байна шүү дээ. Гадаадад байгаа монголчуудаас маань 7-10 хоногийн дараа мөнгө шилжүүлнэ гэсэн хүн олон бий. Э.Цэндбаатар аяныг өөрөө хүлээн зөвшөөрч, банканд очиж гарын үсэг зурсан. Хандивын дансанд хяналт тавьж байгаа хүн бий. Э.Цэндбаатарын дансанд мөнгөө хэзээ хийх нь миний эрхийн асуудал. Э.Цэндбаатарыг тайван бэлтгэлийг нь хийлгэхийг хүсье. Хүн ар гэртээ санаа зовохгүй байж л амжилт үзүүлнэ шүү дээ” гэлээ.