Зэвсэгт хүчний жанжин штабын даргын 2021 оны есдүгээр сарын 16-ны өдрийн тушаалаар Хилийн 0168 дугаар ангийн захирагч, дэд хурандаа Я.Түвшинбаатарт албан тушаалын зэрэглэлийн хурандаа цол олгожээ. Хурандаа Я.Түшинбаатарт хурандаа цол олгох үйл ажиллагааг өнөөдөр буюу есдүгээр сарын 20-нд Дорноговь аймгийн Сайншанд суманд зохион байгуулж, албан тушаалын зэрэглэлийн хурандаа цолыг аймгийн Засаг дарга О.Батжаргал гардуулж, өгсөн байна.

Уг арга хэмжээний үеэр 0168 дугаар ангийн захирагч, хурандаа Я.Түвшинбаатарт “Монгол Улсын хил хамгаалах үйл хэрэгт сэтгэл зүрхээ харамгүй зориулан ирсэн үе үеийн ахмадууд, тэдний халааг нэр төртэй залгамжилж яваа өнөөгийн бие бүрэлдэхүүн, тэдний ар гэрийнхэнд Монгол Улсад орчин цагийн хил хамгаалах байгууллага үүсэж хөгжсөний түүхт 88 жилийн ойн баярын мэндийг дэвшүүлье” хэмээжээ.